ኤፍ ኤም መቐለ

104.4 Radio FM mekelle

አርዕስተ ዜና

ኣብ ኢትዮጵያ ዝተርኣየ ባርኖስ ኣሜሪካ ንምክልካል ሓረስቶት ዘካይድዎ ዘለው ባህላዊ ሜላ መካላኸሊ ኣጠናኺሮም ክቅፅሉ ፕሬዝዳንት ዶክተር ሙላቱ ተሾመ ፀዊዖም፡፡

ኣብ ክልል ኦሮሚያ ዞባ ኢሊ ባቡር እቲ ባርኖስ ዝካየድ ዘሎ ዝርከብ ፃዕሪ ዝተዓዘቡ ፕሬዝዳንት ዶክተር ሙላቱ ኣብ ስራሕቲ ምክልካል እቲ ሓደጋ ኩሉ ክረባረብ ይግባእ ኢሎም፡፡ ፕሬዝዳንት ዶክተር ሙላቱ ተሾመ እቲ ባርኖስ ካብ መንጎ ዝተርኣሎም ወረዳታት ኣብ ወረዳ ኢሎ ምስ ዝርከቡ ክኢላት ሕርሻን ሓረስቶት እቲ ከባብን ዘትዮም፡፡ እቲ ባርኖስ ኣብ ምህርቲ ዘስዕቦ ጉድኣት ንምክልካል ዝስርሑ ስራሕቲ ንሓደ ኣካል ዝግደፍ ኣይኮነን ዝበሉ ፕሬዝዳንት ዶክተር ሙላቱ ኩሉ ምርብራቡ ኣጠናኺሩ ክቕፅል ኣተሓሳሲቦም፡፡ መረዳእታ ሚኒስተር ሕርሻን ሃፍቲ ተፈጥሮን ከምዘመላክቶ ካብቲ ስሩዕ ባርኖስ ዝተፈለየን ዝተፈላለያን ቅድሚ ሕዚ ኣብ ኣፍሪካ ተራእዩ ዘይፈልጥ ካብ ኣሜሪካ ዝመፀ ፋልዋርም ዝተበሃለ ባርኖስ ኣብ ሽድሽተ ክልላት ሃገርና ተራእዩ እዩ፡፡ ሓደጋ ባርኖስ ንምክልካል ሓደ ሚኢቲ ሊትሮ ፀረ ባልዕ ኬሚካል ንክልላት ዘከፋፈለ ሚኒስተር ሕርሻን ሃፍቲ ተፈጥሮን ሓረስቶት ዝተፈላለዩ ሜላታት ክጥቀሙ ይግበር ምህላው ገሊፁ ይብል ፀብፃብ ኤቢሲ፡፡